بوست ايجابي ومعمول بحب
يوم 29 رمضان الجاي بإذن الله ح تكون دولتنا مدنية وديمقراطية ح نمشي القيادة من الكلينك لي شارع الجامعة والجمهورية وبداية البلدية ولغاية مقابر بري وطلمبة النحله الطريق ح يكون مقفول للسيارات وفقط مفتوح للمشاه ح نحدد الزمن من الخامسة صباحاً فجر يوم ٢٩ رمضان البعض منا سيذهب باكراً ليصلي الصبح هناك ليجد علم السودان يرفرف عالياً بشموخ في كل الدوله المدنية العلم الذي كان في حكم العسكر إحدي المعروضات التي يتم الاتهام بها ...
في شارع القيادة بعد صينية بري ح يكون عندنا معرض كتاب يوزع فيه كتاب يحكي عن شرارة الثورة في عطبرة مرورا بجدول تجمع المهنين وموكب 25 ديسمبر وومواكب الخميس والمظاهرات الليليه مظاهرات بري والديم والصحافة والكلاكله وشارع الستين ومظاهرات ود نوباوي واب روف والعباسية شارع الاربعين والثورات ناس الحارات ونحكي انطلقت الزغرودة في المحطة الوسطي بحري ولمت كل ناس بحري ناس شمبات والحلفايه والدروشاب والشعبية والمزاد في بحري .. ح نوثق اسماء الشهداء وتاريخ وفاتهم وسبب الوفاه ..
الجزء الثاني من الكتاب فيه مليونيه 6 ابريل والمواكب بدأت من وين ؟ والتحمت وين ؟ ووصلت القياده ح نكتب عن شرفاء الجيش ونوثق اساميهم ورتبهم وكلماتهم ( والرهيفة التتقده ) الجزء الثاني عن 6 ابريل فيه كم فصل اليوم الاول واليوم الثاني واليوم الثالث ومحاولات جهاز الامن لقتل المعتصمين وظهور النقيب حامد الجامد ( مخالف سعادتك ) لغاية يوم ١١ ابريل وبيان ابن عوف وسقوط ابن عوف وانحياز البحريه .. البحريه سلام وعداله وثم رصاص المرتزقه من العماره المشؤومه وارقد عشان م تموت .. الجزء الثالث ده حكايتو حكاية من بيان برهان وظهور رجل المليشيات وزمن الغتغته والدسدسه انتهي مرورا ب ارفع يدك فوق والتفتيش بالزوق ويخوانا الشاي الشاي بجاي ح نصوم رمضان في الميدان وعواسه الابري مع منظمة مجددون ح نكتب عن قطار عطبره وموكب الابيض وموكب دارفور وموكب المناقل وبصات مدني وبصات الدامر ح نكتب كل التاريخ الي ان نوصل بداية النهاية وبداية الالم مجزرة الثامن من رمضان والترس م بتشال الترس وراهو رجال .. وترس الوطن ببكي دم الشهيد ودم الشهيد القال ان الوطن ح يموت لو الترس اتشال .. نوثق وتكتب لحدي الإضراب السياسي يومي 28 . 29 مايو واضرب اضرب اضرب خلي حميدتي يهضرب والهضربة بتاعت الرجل الثاني طلعت رصاصه حيه بداية يوم 29 رمضان رصاصه قتلت النشطاء والشباب ح نوثق البربريه بتاعت الجنجويد وتخازل الجيش ( وبيع المؤسسه ببعض الريالات والدراهم) ح نكتب كيف اغتصبت الطبيبات في الميدان وكيف قتلت الضحايا وربطوا بحجارة وتم رميهم في النيل ..
انتهيت لا لسه واصل قرأة .. نحن في القيادة شيل الكتاب الذي يوزع مجاني ومعاه CD فيلم موثق بالصورة والصوت للاحداث كلها وامشي قدام شويه وقصاد البحرية بالذات ح تسمع صوت هتاف
هكذاااا قد راوغونا في الخفاء
وان عادوا عدنا للشوارع والهتافات من جديد
وح تلقي مجموعة ظريفة من الشباب الفضل بهتف باعلي صوت وتسمع مجموعه تانيه بتقول
بالدم بالدم بالدم شهداء رمضان حرم
شهداء رمضان م رضيتوا شعب السودان يتزل
م رضيتو العيشه الضاقت في يونيو اللونه فحم ...
ح تلقي علي امتداد البصر في اللافتات الاعلانية اسماء الشهداء واعمارهم ومكان سكنهم ومراحلهم الدراسية وتواريخ الاستشهاد وسبب الاستشهاد ... المنصه شامخه في محلها رغم اثار الحريق الذي تم علي يد المغول والبرابره وفوق المنصه ح تسمع بسم الله الرحمن الرحيم وح تشوف شيخ مهران ح يتلوا علينا ايات قرآنيه وبعدها ح يتكلم البرلماني دكتور الاصم ويبدأ حديثه ب بسم الله الرحمن الرحيم حرية سلام وعدالة ومدنية ارادة الشعب ويترحم علي الشهداء ويصمت قليلاً ويسطرد قائلاً لولا قوة عزيمتكم واصراركم لما كنا هنا اليوم ونهتف عاليا حرية سلام وعدالة حرية سلام وعدالة وتختلط موجه بكاء بموجة زغاريد وتصفيق حار، ويقدم لنا امهات الشهداء في المنصه التي تخجل من حملهم وتنادي ارض الميدان ان تحمل معها هؤلاء الامهات الصابرات لحظة صمت نبكي نحن الشعب وننتحب فتقول واحده منهن انتوا كلكم ابنائي ويزيد الانتحاب والبكاء .. تصبرنا وتقول الحمدلله وصلنا لغايتنا واليوم نحتفل بالنصر رغم مراره الزكري ونهتف عالياً دم الشهيد م راح لابسنو نحنا وشاح وتواصل الحمدلله بقوة ارادتكم واصراركم مضي عام علي نصرنا واستلام السلطة المدنية ومحاسبة المجلس العسكري الظالم ومحاكمة رموز النظام السابق وازيالهم وتهتف حققنا غايتنا بدم شهداءنا مدنيااااااااو ونهتف نحن مدنيااااااااااااو
منقوووووول
تعليقات