العونكليب

الاكلوا العنكوليب يستعدوا
....
زمان في المدرسة الإبتدائية، وبما إنو المعلمين من الحلة وكل الطلبة برضو من الحلة، المعلم دورو كان ممتد خارج حدود المدرسة الجغرافية وحدودا الزمنية أيضاً، يعني مافي حاجة إسمها دي الإجازة تعمل الحاجة الفي راسك وزول يسألك مافي، وعادي تكون قاعد في البيت بتحضر في المسلسل ترفع راسك تلقي أستاذ من المدرسة داخل،
 التلفزيون دا كان ممنوع بال (غانون)
فحكاية إنو تعمل ليك مصيبة في الإجازة دي ما تتخيل إنو الموضوع حا يعدي علي خير، أول يوم تفتح فيهو المدرسة بجيبوك بجيبوك،
من الحاجات الما نسيتا خالص
أخونا فتحو ومعاهو شلة معتبرة من أولاد الفريق تغوَّلوا ذات عصرية من العصريات علي حواشة أحد أعمامنا المزروعة بالعنكوليب وأكلوا ما أكلوا وشالوا ما شالوا، وهربوا،
لسوء حظ أخونا فتحو هو الوحيد الأتعرف عليهو عمنا سيد الحواشة.
أوَّووووووول يوم في المدرسة وفي الطابور الصباحي والستة  فصول حاضرة وكل طاقم المدرسة، تم إذاعة إسم أخونا فتحو للخروج متوسطاً الطابور،
وكان السؤال المحك :
منو الكان معاك لمن أكلتو عنكوليب حاج فلان يوم كذا شهر كذا الساعة كذا؟ وأي واحد يسمع إسمو يجي طالع
فتحو  :
معاااااااااااي فلان ودفلان
ومعااااااااي فلان ود فلان
ومعااااااااي
المهم حسب كل الناس الكانو معاهو
وقفوهم صف

ثم حدث ما حدث!!!

#كونكلوچن
أي زول أكل عنكوليب مع البشير الدور جاي عليهو 😂


منقوووول